Акафист Пресвятой Богородице пред иконой «Знамение» Корчемная

Арха́нгели и А́нгели и все́ во́инство Си́л безпло́тных немо́лчно славосло́вят и слу́жат Ти́, главы́ своя́ приклоня́юще: мы́ же гре́шнии недоуме́ем, ка́ко восхвали́ти Тя́ по достоя́нию. Оба́че дерза́юще со упова́нием на благосе́рдие Твое́, прино́сим Ти́ похвалы́ сия́:

Ра́дуйся, рождество́м Твои́м ми́р го́рний с до́льним возвесели́вшая; ра́дуйся, благослове́нная Отрокови́це, по степе́нем хра́ма ники́мже держи́ма возше́дшая.

Ра́дуйся, по обетова́нию роди́телей Твои́х во хра́ме Иерусали́мстем воспита́нная; ра́дуйся, в дому́ Бо́жии моли́тве и богомы́слию науче́нная.

Ра́дуйся, пи́щу из ру́к Арха́нгельских приима́вшая; ра́дуйся, наставле́ния свы́ше в се́рдце Свое́м благогове́йно слага́вшая.

Ра́дуйся, я́ко житие́ Твое́ при хра́ме проо́браз жития́ и́ноческаго яви́ся; ра́дуйся, я́ко ро́д челове́ческий Тобо́ю, а́ки сокро́вищем неветша́ющим, обогати́ся.

Ра́дуйся, Благода́тная, чу́дным зна́мением ми́лость Бо́жию явля́ющая.

Разумева́ющи чуде́сное пренесе́ние ико́ны Твоея́, Пречи́стая Де́во, и неви́димыма рука́ма в корче́мнице поставле́ние, вдови́ца отягче́на су́щи студо́м и жа́лостию, нача́т приле́жно моли́тися со слеза́ми: Влады́чице, не лиши́ мя покро́ва Твоего́ и ми́лости! Си́це и мы́ хвалу́ Тебе́, Богороди́тельнице, прино́сим:

Ра́дуйся, чу́дно та́йне воплоще́ния Сы́на Бо́жия послужи́вшая; ра́дуйся, Богомладе́нца пови́вшая и во я́слех безслове́сных ове́ц положи́вшая.

Ра́дуйся, поклоне́ние Сы́ну Твоему́ и Бо́гу пе́рвая соверши́вшая; ра́дуйся, млеко́м пита́вшая Пита́теля а́лчущих.

Ра́дуйся, стяжа́вшая благода́ть ве́лию, в ну́ждах и обстоя́ниих помога́ти; ра́дуйся, ре́вность иму́щая призыва́ющих Тя́ от грехо́в и страсте́й свобожда́ти.

Ра́дуйся, чу́дом исцеле́ния еди́ныя вдови́цы, укрепле́ние ве́ры мно́гим пода́вшая; ра́дуйся, ратобо́рству со страстьми́ и похотьми́ благода́тно науча́ющая.

Ра́дуйся, Благода́тная, чу́дным зна́мением ми́лость Бо́жию явля́ющая.

Иму́щи милосе́рдие неоскудева́емое, Ты́, Блага́я Ма́ти, простира́еши ру́це Свои́ на умоле́ние за все́х скорбя́щих и неду́гующих, непреста́нно мо́лиши Сы́на Твоего́ Возлю́бленнаго не то́чию прости́ти на́с, но и дарова́ти на́м оби́тели во Ца́рствии сла́вы, да просла́вим Тя́, бога́тую в ми́лости:

Ра́дуйся, вселюбе́зная Ма́ти на́ша, любо́вию Свое́ю на́с покрыва́ющая; ра́дуйся, врата́ бла́гости Твоея́ на́м отверза́ющая.

Ра́дуйся, кла́дезю неисчерпа́емый ди́внаго милосе́рдия к ми́ру ско́рбному; ра́дуйся, неоскудева́ющий исто́чниче по́мощи по изволе́нию Твоему́ благоутро́бному.

Ра́дуйся, мно́гими чудесы́ ико́ну Свою́ Зна́мения во укрепле́ние на́шея наде́жды на Тя́ просла́вльшая; ра́дуйся, жи́телей гра́да Ряза́ни и ины́х ве́сей и градо́в ми́лостию Свое́ю не оставля́ющая.

Ра́дуйся, о по́чести вы́шняго зва́ния все́х ревнова́ти призыва́ющая; ра́дуйся, обрета́ти Христа́ на пути́ ева́нгельскаго доброде́лания прему́дро наставля́ющая.

Ра́дуйся, Благода́тная, чу́дным зна́мением ми́лость Бо́жию явля́ющая.

Слы́шавше о ди́вном пренесе́нии ико́ны Богома́тере и о чудесе́х, от нея́ быва́емых, вси́ лю́дие гра́да Ряза́ни нача́ша почита́ти и покланя́тися честно́му о́бразу Зна́мения, Корче́мный его́ имену́юще, и ле́пту приноша́ху на соблюде́ние пред ни́м лампа́ды неугаси́мыя. Моли́, Пресвята́я Де́во, преве́чнаго Бо́га, да не уга́снет в сердца́х на́ших о́гнь любве́ боже́ственныя, и приими́ похвалы́ сия́:

Ра́дуйся, я́ко во утро́бе Твое́й пло́ть Спаси́теля ми́ра истка́ся; ра́дуйся, я́ко благода́тию Его́ чрез Тебе́ ве́сь ми́р обогати́ся.

Ра́дуйся, любве́ духо́вныя приснотеку́щая реко́; ра́дуйся, доброде́телей непости́жная глубино́.

Ра́дуйся, безнаде́жных и отча́янных безмяте́жное приста́нище; ра́дуйся, и́щущих вспоможе́ния любоблагоутро́бное прия́телище.

Ра́дуйся, ряза́нским жи́телем по́мощь и вразумле́ние чрез ико́ну Твою́ яви́вшая; ра́дуйся, ко укрепле́нию ве́ры и исправле́нию жития́ на́с побужда́ющая.

Ра́дуйся, Благода́тная, чу́дным зна́мением ми́лость Бо́жию явля́ющая.

Узре́в сие́ ди́вное зна́мение, челове́к се́й, воспряну́в от дрема́ния, а́бие тече́ ко пресви́теру це́ркве преподо́бнаго Симео́на Сто́лпника и моля́ше его́, да сотвори́т благода́рственное пе́ние в хра́мине, иде́же бы́сть ему́ явле́ние Твое́, Ма́ти Бо́жия, и мно́гажды поверга́яся ни́ц, побужда́ше все́х пе́ти: О всепе́тая Ма́ти. Мы́ же, не еди́ножды то́кмо, но мно́гажды получа́юще по́мощь Твою́, благодаря́ще хвалу́ прино́сим:

Ра́дуйся, в словесе́х Бо́жиих де́нь и но́щь поуча́тися на́м приме́р пода́вшая; ра́дуйся, Арха́нгельское благове́стие во смире́нии глубо́це прия́вшая.

Ра́дуйся, обетова́нием Свята́го Ду́ха ку́пно со апо́столы обра́дованная; ра́дуйся, соше́ствием Ду́ха Свята́го свы́ше в де́нь Пятдеся́тницы всеще́дро облагода́тствованная.

Ра́дуйся, во мра́це духо́внем блужда́вшаго от пути́ поги́бельнаго отвра́щшая; ра́дуйся, алка́вшаго пра́веднаго жития́ на пу́ть покая́ния чрез ико́ну Твою́ ско́ро наста́вльшая.

Ра́дуйся, вся́ притру́дности того́ устрани́вшая и от внеза́пныя поги́бели изба́вльшая; ра́дуйся, вселюби́вая Ма́ти на́ша, покро́вом моли́тв Твои́х все́х на́с от наве́т вра́жиих покрыва́ющая.

Ра́дуйся, Благода́тная, чу́дным зна́мением ми́лость Бо́жию явля́ющая.

Возсия́ благода́ть от цельбоно́сныя ико́ны Твоея́ Зна́мения Корче́мныя, пред не́юже и мы́ преклоня́ем коле́на на́ша и со слеза́ми благодари́м, я́ко изба́вила еси́ толи́кия лю́ди Твоя́ от скоропости́жныя сме́рти. Изба́ви и на́с, пречу́дная Влады́чице, от сме́рти без покая́ния, и умоли́ Спаси́теля, да в ча́с кончи́ны на́шея не лиши́т на́с Пречи́стых Та́ин Свои́х. Е́й, Ма́ти Бо́жия, услы́ши на́с, да с ве́рою и любо́вию во упова́нии зове́м Ти́:

Ра́дуйся, ко́реню де́вства и цве́те чистоты́; ра́дуйся, преизя́щных доброде́телей зерца́ло.

Ра́дуйся, все́х прибега́ющих к Тебе́ с те́плою моли́твою услы́шание; ра́дуйся, от бе́д и скорбе́й, обурева́ющих на́с, ско́рое избавле́ние.

Ра́дуйся, и́ноков ко спасе́нию незри́мая Руководи́тельнице; ра́дуйся, боголю́бцев, среди́ ми́ра живу́щих, Наста́внице.

Ра́дуйся, среди́ мо́ра до́мы ве́рных Свое́ю ико́ною посети́вшая и от немину́емыя сме́рти изба́вльшая; ра́дуйся, в ве́ре глубо́цей и смире́нии упова́вших на Тя́ без вспоможе́ния не оста́вльшая.

Ра́дуйся, Благода́тная, чу́дным зна́мением ми́лость Бо́жию явля́ющая.

Ди́вно угаси́ла еси́, о Богома́ти, пла́мень горя́щ бли́з гра́да Ряза́ни: ма́лую бо ту́чу от о́блак возду́шных Ты́ ско́ро отдели́ла еси́, и во́ды ея́ на о́гнь яря́щийся оби́льно одожди́ла еси́. Те́мже и мы́, о Пресвята́я Де́во, мо́лим Тя́: угаси́ пла́мень страсте́й на́ших, помози́ на́м стяжа́ти блаже́нное безстра́стие, зане́ со́здани есмы́ по о́бразу Бо́жию, но в забве́нии и безразсу́дстве предае́мся страсте́м на́шим. Сего́ ра́ди со умиле́нием Тебе́ вопие́м:

Ра́дуйся, одесну́ю Сы́на Своего́ и Бо́га стоя́щая; ра́дуйся, о ка́ющихся гре́шницех моли́твы к Бо́гу усе́рдно вознося́щая.

Ра́дуйся, умо́в на́ших от помышле́ний су́етных очище́ние; ра́дуйся, отча́янных и безнаде́жных челове́к к ти́хой и безмяте́жной жи́зни приобще́ние.

Ра́дуйся, ско́рое и многомо́щное вспоможе́ние усе́рдно Ти́ взыва́ющим; ра́дуйся, ве́ру на́шу в Тво́й благода́тный покро́в си́м чу́дом укрепля́ющая.

Ра́дуйся, моли́твенных воздыха́ний ско́рая Услы́шательнице; ра́дуйся, в исполне́нии до́брых наме́рений при́сная Помо́щнице.

Ра́дуйся, Благода́тная, чу́дным зна́мением ми́лость Бо́жию явля́ющая.

Вся́ возмо́жна Тебе́ су́ть, Пречи́стая, я́ко му́жа о́наго, одержи́маго лю́тою боле́знию но́г, исцели́ла еси́, и мно́гая ина́я чудеса́ вспоможе́ния призыва́ющим Тя́ с ве́рою и смире́нием сотвори́ла еси́. Та́ко и на́с покры́й покро́вом ми́лости Твоея́, умоли́ о на́с Сы́на Твоего́, да продле́но бу́дет вре́мя жи́зни на́шея на покая́ние, да остаю́щияся дни́ до кончи́ны на́шея поживе́м в чистоте́, целому́дрии и творе́нии де́л милосе́рдия, я́ко да услы́шим сла́дкий гла́с Его́, призыва́ющий благослове́нныя насле́довати Ца́рствие Бо́жие. Тебе́ же, о всепе́тая Ма́ти, со умиле́нием зове́м:

Ра́дуйся, хла́дныя ду́ши к позна́нию и́стины путьми́ неизсле́димыми приводя́щая; ра́дуйся, к исполне́нию за́поведей Бо́жиих на́с воодушевля́ющая.

Ра́дуйся, вели́чием Небе́сныя сла́вы от Святы́я Тро́ицы увенча́нная; ра́дуйся, Пресвята́я Богоро́дице, неискусому́жная Де́во и Ма́ти благосе́рдая.

Ра́дуйся, челове́ка не́коего от боле́зни но́г, па́че же и душе́вных я́зв, изба́вльшая; ра́дуйся, и на́шим душа́м, иму́щим быстродви́жное поползнове́ние ко греху́, в ратобо́рстве с ни́м вспомоществу́ющая.

Ра́дуйся, ро́да людска́го прекра́сный ве́нче и назда́ние; ра́дуйся, неизъясни́мых добро́т Правосла́вия киво́те.

Ра́дуйся, Благода́тная, чу́дным зна́мением ми́лость Бо́жию явля́ющая.

Вети́и многоглаго́ливии умолка́ют и Си́лы го́рния приклоня́ют главы́ своя́ пред сла́вою Твое́ю, я́ко Ты́ еси́ Цари́ца Небесе́ и земли́, и во сла́ве Небе́сней пребыва́еши, и земна́я не оставля́еши. Се́ бо и жену́ не́кую, от лю́тыя боле́зни но́г страда́вшую и ско́рбь о уме́ршей дще́ри име́вшую, посети́ла еси́. Жена́ бо та́ повеле́ нести́ себе́ в часо́вню к пречу́дней ико́не Твое́й Зна́мения Корче́мней, и по сле́зней моли́тве в ско́ром вре́мени получи́ соверше́нное здра́вие теле́сное и поко́й душе́вный, и просла́ви Тя́, ми́лостивую Цели́тельницу. Сего́ ра́ди и мы́ похваля́ем Тя́ си́це:

Ра́дуйся, сла́ву Бо́жию в го́рнем Иерусали́ме непреста́нно зря́щая; ра́дуйся, в окруже́нии лико́в Небе́сных Престо́лу Бо́жию предстоя́щая.

Ра́дуйся, вмести́лище Ду́ха Свята́го преизря́дное; ра́дуйся, и́щущим отдохнове́ния от треволне́ний приста́нище отра́дное.

Ра́дуйся, жене́, одержи́мей ско́рбию душе́вною и но́г разслабле́нием, исцеле́ние ско́ро пода́вшая; ра́дуйся, все́м обремене́нным душе́вными и теле́сными скорбьми́ при́сно сострада́ющая.

Ра́дуйся, премилосе́рдая Ма́ти, во́лю на́шу разсла́бленную укрепля́ющая; ра́дуйся, во уны́нии мня́щих себе́ оста́влены бы́ти Бо́гом и бли́жними, утеша́ющая.

Ра́дуйся, Благода́тная, чу́дным зна́мением ми́лость Бо́жию явля́ющая.

Стене́ кре́пкой и огражде́нию неразори́му уподо́билася е́сть ико́на Твоя́ Зна́мения, Пречи́стая, ю́же боголюби́вии лю́дие преноша́ху из часо́вни во хра́м в понеде́льник седми́цы Све́тлыя, да воспое́тся пред ико́ною Твое́ю приве́тствие а́нгельское: Чи́стая Де́во, ра́дуйся! Тво́й Сы́н воскре́се тридне́вен от гро́ба! И си́м у́бо нача́ло полага́шеся моле́бному пе́нию в доме́х прихо́жан. Те́мже и мы́, воспомина́юще сие́, ра́достно сла́вим Тя́:

Ра́дуйся, попече́нием и моли́твами Твои́ми Це́рковь земну́ю умно́жившая; ра́дуйся, взыску́ющим со́весть незазо́рную име́ти пу́ть ко спасе́нию благоуве́тливо устро́ившая.

Ра́дуйся, десни́цею Свое́ю от искуше́ний изнемога́ющих избавля́ющая; ра́дуйся, во смире́нии живу́щим две́ри ра́йския отверза́ющая.

Ра́дуйся, святи́теля о по́льзе пренесе́ния ико́ны Твоея́ в часо́вню наста́вльшая; ра́дуйся, чудесы́ Твои́ми со́нм люде́й, по духо́вней ле́ствице восходя́щих, умно́жившая.

Ра́дуйся, я́ко возсия́ о́браз Тво́й подо́бно свети́льнику, на высо́це све́щнице стоя́щему; ра́дуйся, я́ко прославле́ние Воскресе́ния Христо́ва с сугу́бым ра́дованием о Тебе́ соедини́ся.

Ра́дуйся, Благода́тная, чу́дным зна́мением ми́лость Бо́жию явля́ющая.

Светоза́рная свеща́ ико́на Твоя́ Зна́мения Корче́мная яви́ся христиа́ном, от богобо́рцев стужа́емым, ю́же Ты́, о Богома́ти, восхоте́ла еси́ вда́ти на сохране́ние ю́ноши не́коему. Егда́ о́ный ве́рою и благогове́нием оскуде́ и по науще́нию власте́й безбо́жных со дру́ги прии́де в Симео́новский хра́м церко́вное достоя́ние изыма́ти, тогда́ узре́ на ико́не пречи́стый ли́к Тво́й, и то́тчас в себе́ саме́м премени́ся к добру́, и о́браз Тво́й спасе́ от оскверне́ния и поги́бели. Сего́ ра́ди да́же до ны́не и мы́, чту́щии Тя́, о Богома́ти, во умиле́нии серде́ц на́ших благода́рственно пред о́бразом си́м пое́м:

Ра́дуйся, та́йне крестоноше́ния от Сы́на Своего́ науче́нная; ра́дуйся, на Голго́фе Го́споду Своему́ сострада́вшая.

Ра́дуйся, Благода́тная, я́ко воскре́се Сы́н Тво́й, и на́с совоскреси́т с Собо́ю; ра́дуйся, Препросла́вленная, я́ко вси́ смире́ннии неразлу́чни бу́дут с Тобо́ю.

Ра́дуйся, слепоты́ теле́сныя исцеле́ние; ра́дуйся, очесе́м душе́вным прозре́ние.

Ра́дуйся, в но́вое свиде́тельство отрокови́це прозре́ние от слепоты́ дарова́вшая; ра́дуйся, ю́ношу, в ве́ре оскуде́вшаго, во ору́дие спасе́ния чудотво́рныя Твоея́ ико́ны прему́дро избра́вшая.

Ра́дуйся, Благода́тная, чу́дным зна́мением ми́лость Бо́жию явля́ющая.

Пою́ще Твоя́ ми́лости и чудеса́, да́же до ны́не явля́емыя ве́рным рабо́м Твои́м, покланя́емся преди́вному о́бразу Твоему́, явле́нному во гра́де Ряза́ни, и мо́лим Тя́ со слеза́ми: научи́ на́с, что́ сотвори́м, да уго́дни бу́дем Бо́гу и Тебе́, о всеми́лостивая Ма́ти. Мы́ же, не иму́щии не то́кмо де́л, но и слове́с благи́х, что́ воздади́м Тебе́ за вся́ благодея́ния Твоя́? Оба́че наде́ющеся на ми́лость Твою́, сла́вим Тя́ со умиле́нием:

Ра́дуйся, Небесе́ и земли́ примире́нию чу́дно послужи́вшая; ра́дуйся, Изба́вителя ми́ра, Спаси́теля на́шего, пло́тию породи́вшая.

Ра́дуйся, всесве́тлая звездо́, сия́нием души́ Твоея́ ми́р ско́рбный озаря́ющая; ра́дуйся, Цари́це Небесе́ и земли́, в безконе́чныя ве́ки ца́рствующая.

Ра́дуйся, рабо́в Бо́жиих среди́ мра́ка и страда́ний укрепля́ющая и возвеселя́ющая; ра́дуйся, попече́ние о поновле́нии о́браза Твоего́ прему́дро яви́вшая.

Ра́дуйся, серде́чную моли́тву пла́менныя ве́ры ста́рца А́веля прия́вшая; ра́дуйся, неудо́бь исполни́мое де́ло во спасе́ние мно́гих чуде́сно устро́ившая.

Ра́дуйся, Благода́тная, чу́дным зна́мением ми́лость Бо́жию явля́ющая.

А҆рха́гг҃ли и҆ а҆́гг҃ли и҆ всѐ во́инство си́лъ безпло́тныхъ немо́лчнѡ славосло́вѧтъ и҆ слꙋ́жатъ тѝ, главы̑ своѧ̑ приклонѧ́юще: мы́ же грѣ́шнїи недоꙋмѣ́емъ, ка́кѡ восхвали́ти тѧ̀ по достоѧ́нїю. Ѻ҆ба́че дерза́юще со ᲂу҆пова́нїемъ на бл҃госе́рдїе твоѐ, прино́симъ тѝ похвалы̑ сїѧ̑:

Ра́дꙋйсѧ, ржⷭ҇тво́мъ твои́мъ мі́ръ го́рнїй съ до́льнимъ возвесели́вшаѧ: ра́дꙋйсѧ, бл҃гослове́ннаѧ ѻ҆трокови́це, по степе́нємъ хра́ма ники́мже держи́ма возше́дшаѧ.

Ра́дꙋйсѧ, по ѡ҆бѣтова́нїю роди́телей твои́хъ во хра́мѣ і҆ерⷭ҇ли́мстѣмъ воспита́ннаѧ: ра́дꙋйсѧ, въ домꙋ̀ бж҃їи мл҃твѣ и҆ бг҃омы́слїю наꙋче́ннаѧ.

Ра́дꙋйсѧ, пи́щꙋ и҆з̾ рꙋ́къ а҆рха́гг҃льскихъ прїима́вшаѧ: ра́дꙋйсѧ, наставлє́нїѧ свы́ше въ се́рдцѣ свое́мъ бл҃гоговѣ́йнѡ слага́вшаѧ.

Ра́дꙋйсѧ, ꙗ҆́кѡ житїѐ твоѐ при хра́мѣ проѻ́бразъ житїѧ̀ и҆́ноческагѡ ꙗ҆ви́сѧ: ра́дꙋйсѧ, ꙗ҆́кѡ ро́дъ человѣ́ческїй тобо́ю, а҆́ки сокро́вищемъ неветша́ющимъ, ѡ҆богати́сѧ.

Ра́дꙋйсѧ, бл҃года́тнаѧ, чꙋ́днымъ зна́менїемъ млⷭ҇ть бж҃їю ꙗ҆влѧ́ющаѧ.

Разꙋмѣва́ющи чꙋде́сное пренесе́нїе і҆кѡ́ны твоеѧ̀, пречⷭ҇таѧ дв҃о, и҆ неви́димыма рꙋка́ма въ корче́мницѣ поставле́нїе, вдови́ца ѡ҆тѧгче́на сꙋ́щи стꙋдо́мъ и҆ жа́лостїю, нача́тъ прилѣ́жнѡ моли́тисѧ со слеза́ми: влⷣчце, не лиши́ мѧ покро́ва твоегѡ̀ и҆ млⷭ҇ти! Си́це и҆ мы̀ хвалꙋ̀ тебѣ̀, бг҃ороди́тельнице, прино́симъ:

Ра́дꙋйсѧ, чꙋ́днѡ та́йнѣ воплоще́нїѧ сн҃а бж҃їѧ послꙋжи́вшаѧ: ра́дꙋйсѧ, бг҃омлⷣнца пови́вшаѧ и҆ во ꙗ҆́слехъ безслове́сныхъ ѻ҆ве́цъ положи́вшаѧ.

Ра́дꙋйсѧ, поклоне́нїе сн҃ꙋ твоемꙋ̀ и҆ бг҃ꙋ пе́рваѧ соверши́вшаѧ: ра́дꙋйсѧ, млеко́мъ пита́вшаѧ пита́телѧ а҆́лчꙋщихъ.

Ра́дꙋйсѧ, стѧжа́вшаѧ бл҃года́ть ве́лїю, въ нꙋ́ждахъ и҆ ѡ҆бстоѧ́нїихъ помога́ти: ра́дꙋйсѧ, ре́вность и҆мꙋ́щаѧ призыва́ющихъ тѧ̀ ѿ грѣхѡ́въ и҆ страсте́й свобожда́ти.

Ра́дꙋйсѧ, чꙋ́домъ и҆сцѣле́нїѧ є҆ди́ныѧ вдови́цы, ᲂу҆крѣпле́нїе вѣ́ры мнѡ́гимъ пода́вшаѧ: ра́дꙋйсѧ, ратобо́рствꙋ со страстьмѝ и҆ похотьмѝ бл҃года́тнѡ наꙋча́ющаѧ.

Ра́дꙋйсѧ, бл҃года́тнаѧ, чꙋ́днымъ зна́менїемъ млⷭ҇ть бж҃їю ꙗ҆влѧ́ющаѧ.

И҆мꙋ́щи млⷭ҇рдїе неѡскꙋдѣва́емое, ты̀, бл҃га́ѧ мт҃и, простира́еши рꙋ́цѣ своѝ на ᲂу҆моле́нїе за всѣ́хъ скорбѧ́щихъ и҆ недꙋ́гꙋющихъ, непреста́ннѡ мо́лиши сн҃а твоего̀ возлю́бленнаго не то́чїю прости́ти на́съ, но и҆ дарова́ти на́мъ ѻ҆би́тєли во црⷭ҇твїи сла́вы, да просла́вимъ тѧ̀, бога́тꙋю въ млⷭ҇ти:

Ра́дꙋйсѧ, вселюбе́знаѧ мт҃и на́ша, любо́вїю свое́ю на́съ покрыва́ющаѧ: ра́дꙋйсѧ, врата̀ бл҃гости твоеѧ̀ на́мъ ѿверза́ющаѧ.

Ра́дꙋйсѧ, кла́дезю неисчерпа́емый ди́внагѡ млⷭ҇рдїѧ къ мі́рꙋ ско́рбномꙋ: ра́дꙋйсѧ, неѡскꙋдѣва́ющїй и҆сто́чниче по́мощи по и҆зволе́нїю твоемꙋ̀ бл҃гоꙋтро́бномꙋ.

Ра́дꙋйсѧ, мно́гими чꙋдесы̀ і҆кѡ́нꙋ свою̀ зна́менїѧ во ᲂу҆крѣпле́нїе на́шеѧ наде́жды на тѧ̀ просла́вльшаѧ: ра́дꙋйсѧ, жи́телей гра́да рѧза́ни и҆ и҆ны́хъ ве́сей и҆ градѡ́въ млⷭ҇тїю свое́ю не ѡ҆ставлѧ́ющаѧ.

Ра́дꙋйсѧ, ѡ҆ по́чести вы́шнѧгѡ зва́нїѧ всѣ́хъ ревнова́ти призыва́ющаѧ: ра́дꙋйсѧ, ѡ҆брѣта́ти хрⷭ҇та̀ на пꙋтѝ є҆ѵⷢ҇льскагѡ добродѣ́ланїѧ премꙋ́дрѡ наставлѧ́ющаѧ.

Ра́дꙋйсѧ, бл҃года́тнаѧ, чꙋ́днымъ зна́менїемъ млⷭ҇ть бж҃їю ꙗ҆влѧ́ющаѧ.

Слы́шавше ѡ҆ ди́вномъ пренесе́нїи і҆кѡ́ны бг҃омт҃ре и҆ ѡ҆ чꙋдесѣ́хъ, ѿ неѧ̀ быва́емыхъ, всѝ лю́дїе гра́да рѧза́ни нача́ша почита́ти и҆ покланѧ́тисѧ чтⷭ҇но́мꙋ ѻ҆́бразꙋ зна́менїѧ, корче́мный є҆гѡ̀ и҆менꙋ́юще, и҆ ле́птꙋ приноша́хꙋ на соблюде́нїе пред̾ ни́мъ лампа́ды неꙋгаси́мыѧ. Молѝ, прест҃а́ѧ дв҃о, превѣ́чнаго бг҃а, да не ᲂу҆га́снетъ въ сердца́хъ на́шихъ ѻ҆́гнь любвѐ бжⷭ҇твенныѧ, и҆ прїимѝ похвалы̑ сїѧ̑:

Ра́дꙋйсѧ, ꙗ҆́кѡ во ᲂу҆тро́бѣ твое́й пло́ть сп҃си́телѧ мі́ра и҆стка́сѧ: ра́дꙋйсѧ, ꙗ҆́кѡ бл҃года́тїю є҆гѡ̀ чрез̾ тебѐ ве́сь мі́ръ ѡ҆богати́сѧ.

Ра́дꙋйсѧ, любвѐ дꙋхо́вныѧ приснотекꙋ́щаѧ рѣко̀: ра́дꙋйсѧ, добродѣ́телей непости́жнаѧ глꙋбино̀.

Ра́дꙋйсѧ, безнаде́жныхъ и҆ ѿча́ѧнныхъ безмѧте́жное приста́нище: ра́дꙋйсѧ, и҆́щꙋщихъ вспоможе́нїѧ любобл҃гоꙋтро́бное прїѧ́телище.

Ра́дꙋйсѧ, рѧза̑нскимъ жи́телємъ по́мощь и҆ вразꙋмле́нїе чрез̾ і҆кѡ́нꙋ твою̀ ꙗ҆ви́вшаѧ: ра́дꙋйсѧ, ко ᲂу҆крѣпле́нїю вѣ́ры и҆ и҆справле́нїю житїѧ̀ на́съ побꙋжда́ющаѧ.

Ра́дꙋйсѧ, бл҃года́тнаѧ, чꙋ́днымъ зна́менїемъ млⷭ҇ть бж҃їю ꙗ҆влѧ́ющаѧ.

Оу҆зрѣ́въ сїѐ ди́вное зна́менїе, человѣ́къ се́й, воспрѧнꙋ́въ ѿ дрема́нїѧ, а҆́бїе течѐ ко пресвѵ́терꙋ цр҃кве прпⷣбнагѡ сѷмеѡ́на сто́лпника и҆ молѧ́ше є҆го̀, да сотвори́тъ бл҃года́рственное пѣ́нїе въ хра́минѣ, и҆дѣ́же бы́сть є҆мꙋ̀ ꙗ҆вле́нїе твоѐ, мт҃и бж҃їѧ, и҆ мно́гажды поверга́ѧсѧ ни́цъ, побꙋжда́ше всѣ́хъ пѣ́ти: Ѽ всепѣ́таѧ мт҃и. Мы́ же, не є҆ди́ножды то́кмѡ, но мно́гажды полꙋча́юще по́мощь твою̀, бл҃годарѧ́ще хвалꙋ̀ прино́симъ:

Ра́дꙋйсѧ, въ словесѣ́хъ бж҃їихъ де́нь и҆ но́щь поꙋча́тисѧ на́мъ примѣ́ръ пода́вшаѧ: ра́дꙋйсѧ, а҆рха́гг҃льское бл҃говѣ́стїе во смире́нїи глꙋбо́цѣ прїѧ́вшаѧ.

Ра́дꙋйсѧ, ѡ҆бѣтова́нїемъ ст҃а́гѡ дх҃а кꙋ́пнѡ со а҆пⷭ҇лы ѡ҆бра́дованнаѧ: ра́дꙋйсѧ, соше́ствїемъ дх҃а ст҃а́гѡ свы́ше въ де́нь пѧтдесѧ́тницы всеще́дрѡ ѡ҆бл҃года́тствованнаѧ.

Ра́дꙋйсѧ, во мра́цѣ дꙋхо́внѣмъ блꙋжда́вшаго ѿ пꙋтѝ поги́бельнагѡ ѿвра́щшаѧ: ра́дꙋйсѧ, а҆лка́вшаго првⷣнагѡ житїѧ̀ на пꙋ́ть покаѧ́нїѧ чрез̾ і҆кѡ́нꙋ твою̀ ско́рѡ наста́вльшаѧ.

Ра́дꙋйсѧ, всѧ̑ притрꙋ́днѡсти тогѡ̀ ᲂу҆страни́вшаѧ и҆ ѿ внеза́пныѧ поги́бели и҆зба́вльшаѧ: ра́дꙋйсѧ, вселюби́ваѧ мт҃и на́ша, покро́вомъ мл҃твъ твои́хъ всѣ́хъ на́съ ѿ навѣ̑тъ вра́жїихъ покрыва́ющаѧ.

Ра́дꙋйсѧ, бл҃года́тнаѧ, чꙋ́днымъ зна́менїемъ млⷭ҇ть бж҃їю ꙗ҆влѧ́ющаѧ.

Возсїѧ̀ бл҃года́ть ѿ цѣльбоно́сныѧ і҆кѡ́ны твоеѧ̀ зна́менїѧ корче́мныѧ, пред̾ не́юже и҆ мы̀ преклонѧ́емъ колѣ̑на на̑ша и҆ со слеза́ми бл҃годари́мъ, ꙗ҆́кѡ и҆зба́вила є҆сѝ толи̑кїѧ лю́ди твоѧ̑ ѿ скоропости́жныѧ сме́рти. И҆зба́ви и҆ на́съ, пречꙋ́днаѧ влⷣчце, ѿ сме́рти без̾ покаѧ́нїѧ, и҆ ᲂу҆молѝ сп҃си́телѧ, да въ ча́съ кончи́ны на́шеѧ не лиши́тъ на́съ пречⷭ҇тыхъ та̑инъ свои́хъ. Є҆́й, мт҃и бж҃їѧ, ᲂу҆слы́ши на́съ, да съ вѣ́рою и҆ любо́вїю во ᲂу҆пова́нїи зове́мъ тѝ:

Ра́дꙋйсѧ, ко́реню двⷭ҇тва и҆ цвѣ́те чⷭ҇тоты̀: ра́дꙋйсѧ, преизѧ́щныхъ добродѣ́телей зерца́ло.

Ра́дꙋйсѧ, всѣ́хъ прибѣга́ющихъ къ тебѣ̀ съ те́плою мл҃твою ᲂу҆слы́шанїе: ра́дꙋйсѧ, ѿ бѣ́дъ и҆ скорбе́й, ѡ҆бꙋрева́ющихъ на́съ, ско́рое и҆збавле́нїе.

Ра́дꙋйсѧ, и҆́нокѡвъ ко сп҃се́нїю незри́маѧ рꙋководи́тельнице: ра́дꙋйсѧ, бг҃олю́бцєвъ, средѝ мі́ра живꙋ́щихъ, наста́внице.

Ра́дꙋйсѧ, средѝ мо́ра до́мы вѣ́рныхъ свое́ю і҆кѡ́ною посѣти́вшаѧ и҆ ѿ неминꙋ́емыѧ сме́рти и҆зба́вльшаѧ: ра́дꙋйсѧ, въ вѣ́рѣ глꙋбо́цѣй и҆ смире́нїи ᲂу҆пова́вшихъ на тѧ̀ без̾ вспоможе́нїѧ не ѡ҆ста́вльшаѧ.

Ра́дꙋйсѧ, бл҃года́тнаѧ, чꙋ́днымъ зна́менїемъ млⷭ҇ть бж҃їю ꙗ҆влѧ́ющаѧ.

Ди́внѡ ᲂу҆гаси́ла є҆сѝ, ѽ бг҃омт҃и, пла́мень горѧ́щъ близ̾ гра́да рѧза́ни: ма́лꙋю бо тꙋ́чꙋ ѿ ѻ҆́блакъ воздꙋ́шныхъ ты̀ ско́рѡ ѿдѣли́ла є҆сѝ, и҆ во́ды є҆ѧ̀ на ѻ҆́гнь ꙗ҆рѧ́щїйсѧ ѻ҆би́льнѡ ѡ҆дожди́ла є҆сѝ. Тѣ́мже и҆ мы̀, ѽ прест҃а́ѧ дв҃о, мо́лимъ тѧ̀: ᲂу҆гасѝ пла́мень страсте́й на́шихъ, помозѝ на́мъ стѧжа́ти бл҃же́нное безстра́стїе, занѐ со́здани є҆смы̀ по ѻ҆́бразꙋ бж҃їю, но въ забве́нїи и҆ безразсꙋ́дствѣ предае́мсѧ страсте́мъ на́шымъ. Сегѡ̀ ра́ди со ᲂу҆миле́нїемъ тебѣ̀ вопїе́мъ:

Ра́дꙋйсѧ, ѡ҆деснꙋ́ю сн҃а своегѡ̀ и҆ бг҃а стоѧ́щаѧ: ра́дꙋйсѧ, ѡ҆ ка́ющихсѧ грѣ́шницѣхъ мл҃твы къ бг҃ꙋ ᲂу҆се́рднѡ возносѧ́щаѧ.

Ра́дꙋйсѧ, ᲂу҆мѡ́въ на́шихъ ѿ помышле́нїй сꙋ́етныхъ ѡ҆чище́нїе: ра́дꙋйсѧ, ѿча́ѧнныхъ и҆ безнаде́жныхъ человѣ̑къ къ ти́хой и҆ безмѧте́жной жи́зни прїѡбще́нїе.

Ра́дꙋйсѧ, ско́рое и҆ многомо́щное вспоможе́нїе ᲂу҆се́рднѡ тѝ взыва́ющымъ: ра́дꙋйсѧ, вѣ́рꙋ на́шꙋ въ тво́й бл҃года́тный покро́въ си́мъ чꙋ́домъ ᲂу҆крѣплѧ́ющаѧ.

Ра́дꙋйсѧ, мл҃твенныхъ воздыха́нїй ско́раѧ ᲂу҆слы́шательнице: ра́дꙋйсѧ, въ и҆сполне́нїи до́брыхъ намѣ́ренїй при́снаѧ помо́щнице.

Ра́дꙋйсѧ, бл҃года́тнаѧ, чꙋ́днымъ зна́менїемъ млⷭ҇ть бж҃їю ꙗ҆влѧ́ющаѧ.

Всѧ̑ возмѡ́жна тебѣ̀ сꙋ́ть, пречⷭ҇таѧ, ꙗ҆́кѡ мꙋ́жа ѻ҆́нагѡ, ѡ҆держи́маго лю́тою болѣ́знїю но́гъ, и҆сцѣли́ла є҆сѝ, и҆ мнѡ́гаѧ и҆на̑ѧ чꙋдеса̀ вспоможе́нїѧ призыва́ющымъ тѧ̀ съ вѣ́рою и҆ смире́нїемъ сотвори́ла є҆сѝ. Та́кѡ и҆ на́съ покры́й покро́вомъ млⷭ҇ти твоеѧ̀, ᲂу҆молѝ ѡ҆ на́съ сн҃а твоего̀, да продле́но бꙋ́детъ вре́мѧ жи́зни на́шеѧ на покаѧ́нїе, да ѡ҆стаю́щыѧсѧ дни̑ до кончи́ны на́шеѧ поживе́мъ въ чистотѣ̀, цѣломꙋ́дрїи и҆ творе́нїи дѣ́лъ млⷭ҇рдїѧ, ꙗ҆́кѡ да ᲂу҆слы́шимъ сла́дкїй гла́съ є҆гѡ̀, призыва́ющїй бл҃гословє́нныѧ наслѣ́довати црⷭ҇твїе бж҃їе. Тебѣ́ же, ѽ всепѣ́таѧ мт҃и, со ᲂу҆миле́нїемъ зове́мъ:

Ра́дꙋйсѧ, хла̑дныѧ дꙋ́шы къ позна́нїю и҆́стины пꙋтьмѝ неизслѣ́димыми приводѧ́щаѧ: ра́дꙋйсѧ, къ и҆сполне́нїю за́повѣдей бж҃їихъ на́съ воѡдꙋшевлѧ́ющаѧ.

Ра́дꙋйсѧ, вели́чїемъ нбⷭ҇ныѧ сла́вы ѿ ст҃ы́ѧ трⷪ҇цы ᲂу҆вѣнча́ннаѧ: ра́дꙋйсѧ, прест҃а́ѧ бцⷣе, неискꙋсомꙋ́жнаѧ дв҃о и҆ мт҃и бл҃госе́рдаѧ.

Ра́дꙋйсѧ, человѣ́ка нѣ́коего ѿ болѣ́зни но́гъ, па́че же и҆ дꙋше́вныхъ ꙗ҆́звъ, и҆зба́вльшаѧ: ра́дꙋйсѧ, и҆ на́шымъ дꙋша́мъ, и҆мꙋ́щымъ быстродви́жное поползнове́нїе ко грѣхꙋ̀, въ ратобо́рствѣ съ ни́мъ вспомоществꙋ́ющаѧ.

Ра́дꙋйсѧ, ро́да людска́гѡ прекра́сный вѣ́нче и҆ назда́нїе: ра́дꙋйсѧ, неиз̾ѧсни́мыхъ добро́тъ правосла́вїѧ кївѡ́те.

Ра́дꙋйсѧ, бл҃года́тнаѧ, чꙋ́днымъ зна́менїемъ млⷭ҇ть бж҃їю ꙗ҆влѧ́ющаѧ.

Вѣті̑и многоглаго́ливїи ᲂу҆молка́ютъ и҆ си̑лы гѡ́рнїѧ приклонѧ́ютъ главы̑ своѧ̑ пред̾ сла́вою твое́ю, ꙗ҆́кѡ ты̀ є҆сѝ цр҃и́ца нб҃сѐ и҆ землѝ, и҆ во сла́вѣ нбⷭ҇нѣй пребыва́еши, и҆ земна̑ѧ не ѡ҆ставлѧ́еши. Се́ бо и҆ женꙋ̀ нѣ́кꙋю, ѿ лю́тыѧ болѣ́зни но́гъ страда́вшꙋю и҆ ско́рбь ѡ҆ ᲂу҆ме́ршей дще́ри и҆мѣ́вшꙋю, посѣти́ла є҆сѝ. Жена́ бо та̀ повелѣ̀ нестѝ себѐ въ часо́вню къ пречꙋ́днѣй і҆кѡ́нѣ твое́й зна́менїѧ корче́мнѣй, и҆ по сле́знѣй мл҃твѣ въ ско́ромъ вре́мени полꙋчѝ соверше́нное здра́вїе тѣле́сное и҆ поко́й дꙋше́вный, и҆ просла́ви тѧ̀, млⷭ҇тивꙋю цѣли́тельницꙋ. Сегѡ̀ ра́ди и҆ мы̀ похвалѧ́емъ тѧ̀ си́це:

Ра́дꙋйсѧ, сла́вꙋ бж҃їю въ го́рнѣмъ і҆ерⷭ҇ли́мѣ непреста́ннѡ зрѧ́щаѧ: ра́дꙋйсѧ, въ ѡ҆крꙋже́нїи ликѡ́въ нбⷭ҇ныхъ прⷭ҇то́лꙋ бж҃їю предстоѧ́щаѧ.

Ра́дꙋйсѧ, вмѣсти́лище дх҃а ст҃а́гѡ преизрѧ́дное: ра́дꙋйсѧ, и҆́щꙋщымъ ѿдохнове́нїѧ ѿ треволне́нїй приста́нище ѿра́дное.

Ра́дꙋйсѧ, женѣ̀, ѡ҆держи́мѣй ско́рбїю дꙋше́вною и҆ но́гъ разслабле́нїемъ, и҆сцѣле́нїе ско́рѡ пода́вшаѧ: ра́дꙋйсѧ, всѣ̑мъ ѡ҆бременє́ннымъ дꙋше́вными и҆ тѣле́сными скорбьмѝ при́снѡ сострада́ющаѧ.

Ра́дꙋйсѧ, премлⷭ҇рдаѧ мт҃и, во́лю на́шꙋ разсла́бленнꙋю ᲂу҆крѣплѧ́ющаѧ: ра́дꙋйсѧ, во ᲂу҆ны́нїи мнѧ́щихъ себѐ ѡ҆ста́влєны бы́ти бг҃омъ и҆ бли́жними, ᲂу҆тѣша́ющаѧ.

Ра́дꙋйсѧ, бл҃года́тнаѧ, чꙋ́днымъ зна́менїемъ млⷭ҇ть бж҃їю ꙗ҆влѧ́ющаѧ.

Стѣнѣ̀ крѣ́пкой и҆ ѡ҆гражде́нїю неразори́мꙋ ᲂу҆подо́биласѧ є҆́сть і҆кѡ́на твоѧ̀ зна́менїѧ, пречⷭ҇таѧ, ю҆́же бг҃олюби́вїи лю́дїе преноша́хꙋ и҆з̾ часо́вни во хра́мъ въ понедѣ́льникъ седми́цы свѣ́тлыѧ, да воспое́тсѧ пред̾ і҆кѡ́ною твое́ю привѣ́тствїе а҆́гг҃льское: чⷭ҇таѧ дв҃о, ра́дꙋйсѧ! тво́й сн҃ъ воскр҃се тридне́венъ ѿ гро́ба! И҆ си́мъ ᲂу҆́бѡ нача́ло полага́шесѧ моле́бномꙋ пѣ́нїю въ домѣ́хъ прихо́жанъ. Тѣ́мже и҆ мы̀, воспомина́юще сїѐ, ра́достнѡ сла́вимъ тѧ̀:

Ра́дꙋйсѧ, попече́нїемъ и҆ мл҃твами твои́ми цр҃ковь земнꙋ́ю ᲂу҆мно́жившаѧ: ра́дꙋйсѧ, взыскꙋ́ющымъ со́вѣсть незазо́рнꙋю и҆мѣ́ти пꙋ́ть ко сп҃се́нїю бл҃гоꙋвѣ́тливѡ ᲂу҆стро́ившаѧ.

Ра́дꙋйсѧ, десни́цею свое́ю ѿ и҆скꙋше́нїй и҆знемога́ющихъ и҆збавлѧ́ющаѧ: ра́дꙋйсѧ, во смире́нїи живꙋ́щымъ двє́ри ра̑йскїѧ ѿверза́ющаѧ.

Ра́дꙋйсѧ, ст҃и́телѧ ѡ҆ по́льзѣ пренесе́нїѧ і҆кѡ́ны твоеѧ̀ въ часо́вню наста́вльшаѧ: ра́дꙋйсѧ, чꙋдесы̀ твои́ми со́нмъ люде́й, по дх҃о́внѣй лѣ́ствицѣ восходѧ́щихъ, ᲂу҆мно́жившаѧ.

Ра́дꙋйсѧ, ꙗ҆́кѡ возсїѧ̀ ѻ҆́бразъ тво́й подо́бнѡ свѣти́льникꙋ, на высо́цѣ свѣ́щницѣ стоѧ́щемꙋ: ра́дꙋйсѧ, ꙗ҆́кѡ прославле́нїе воскрⷭ҇нїѧ хрⷭ҇то́ва съ сꙋгꙋ́бымъ ра́дованїемъ ѡ҆ тебѣ̀ соедини́сѧ.

Ра́дꙋйсѧ, бл҃года́тнаѧ, чꙋ́днымъ зна́менїемъ млⷭ҇ть бж҃їю ꙗ҆влѧ́ющаѧ.

Свѣтоза́рнаѧ свѣща̀ і҆кѡ́на твоѧ̀ зна́менїѧ корче́мнаѧ ꙗ҆ви́сѧ хрⷭ҇тїа́нѡмъ, ѿ бг҃обо́рцєвъ стꙋжа́ємымъ, ю҆́же ты̀, ѽ бг҃омт҃и, восхотѣ́ла є҆сѝ вда́ти на сохране́нїе ю҆́ноши нѣ́коемꙋ. Є҆гда̀ ѻ҆́ный вѣ́рою и҆ бл҃гоговѣ́нїемъ ѡ҆скꙋдѣ̀ и҆ по наꙋще́нїю власте́й безбо́жныхъ со дрꙋ̑ги прїи́де въ сѷмеѡ́новскїй хра́мъ цр҃ко́вное достоѧ́нїе и҆з̾има́ти, тогда̀ ᲂу҆зрѣ̀ на і҆кѡ́нѣ пречⷭ҇тый ли́къ тво́й, и҆ то́тчасъ въ себѣ̀ самѣ́мъ премѣни́сѧ къ добрꙋ̀, и҆ ѻ҆́бразъ тво́й спасѐ ѿ ѡ҆скверне́нїѧ и҆ поги́бели. Сегѡ̀ ра́ди да́же до ны́нѣ и҆ мы̀, чтꙋ́щїи тѧ̀, ѽ бг҃омт҃и, во ᲂу҆миле́нїи серде́цъ на́шихъ бл҃года́рственнѡ пред̾ ѻ҆́бразомъ си́мъ пое́мъ:

Ра́дꙋйсѧ, та́йнѣ крⷭ҇тоноше́нїѧ ѿ сн҃а своегѡ̀ наꙋче́ннаѧ: ра́дꙋйсѧ, на голго́ѳѣ гдⷭ҇ꙋ своемꙋ̀ сострада́вшаѧ.

Ра́дꙋйсѧ, бл҃года́тнаѧ, ꙗ҆́кѡ воскр҃се сн҃ъ тво́й, и҆ на́съ совоскр҃си́тъ съ собо́ю: ра́дꙋйсѧ, препросла́вленнаѧ, ꙗ҆́кѡ всѝ смире́ннїи неразлꙋ́чни бꙋ́дꙋтъ съ тобо́ю.

Ра́дꙋйсѧ, слѣпоты̀ тѣле́сныѧ и҆сцѣле́нїе: ра́дꙋйсѧ, ѻ҆чесє́мъ дꙋшє́внымъ прозрѣ́нїе.

Ра́дꙋйсѧ, въ но́вое свидѣ́тельство ѻ҆трокови́цѣ прозрѣ́нїе ѿ слѣпоты̀ дарова́вшаѧ: ра́дꙋйсѧ, ю҆́ношꙋ, въ вѣ́рѣ ѡ҆скꙋдѣ́вшаго, во ѻ҆рꙋ́дїе сп҃се́нїѧ чꙋдотво́рныѧ твоеѧ̀ і҆кѡ́ны премꙋ́дрѡ и҆збра́вшаѧ.

Ра́дꙋйсѧ, бл҃года́тнаѧ, чꙋ́днымъ зна́менїемъ млⷭ҇ть бж҃їю ꙗ҆влѧ́ющаѧ.

Пою́ще твоѧ̑ млⷭ҇ти и҆ чꙋдеса̀, да́же до ны́нѣ ꙗ҆влѧ́ємыѧ вѣ̑рнымъ рабѡ́мъ твои̑мъ, покланѧ́емсѧ преди́вномꙋ ѻ҆́бразꙋ твоемꙋ̀, ꙗ҆вле́нномꙋ во гра́дѣ рѧза́ни, и҆ мо́лимъ тѧ̀ со слеза́ми: наꙋчѝ на́съ, что̀ сотвори́мъ, да ᲂу҆го́дни бꙋ́демъ бг҃ꙋ и҆ тебѣ̀, ѽ всемлⷭ҇тиваѧ мт҃и. Мы́ же не и҆мꙋ́щїи не то́кмѡ дѣ́лъ, но и҆ слове́съ бл҃ги́хъ, что̀ воздади́мъ тебѣ̀ за всѧ̑ бл҃годѣѧ̑нїѧ твоѧ̑: Ѻ҆ба́че надѣ́ющесѧ на млⷭ҇ть твою̀, сла́вимъ тѧ̀ со ᲂу҆миле́нїемъ:

Ра́дꙋйсѧ, нб҃сѐ и҆ землѝ примире́нїю чꙋ́днѡ послꙋжи́вшаѧ: ра́дꙋйсѧ, и҆зба́вителѧ мі́ра, сп҃си́телѧ на́шего, пло́тїю породи́вшаѧ.

Ра́дꙋйсѧ, всесвѣ́тлаѧ ѕвѣздо̀, сїѧ́нїемъ дꙋшѝ твоеѧ̀ мі́ръ ско́рбный ѡ҆зарѧ́ющаѧ: ра́дꙋйсѧ, цр҃и́це нб҃сѐ и҆ землѝ, въ безконє́чныѧ вѣ́ки црⷭ҇твꙋющаѧ.

Ра́дꙋйсѧ, рабѡ́въ бж҃їихъ средѝ мра́ка и҆ страда́нїй ᲂу҆крѣплѧ́ющаѧ и҆ возвеселѧ́ющаѧ: ра́дꙋйсѧ, попече́нїе ѡ҆ поновле́нїи ѻ҆́браза твоегѡ̀ премꙋ́дрѡ ꙗ҆ви́вшаѧ.

Ра́дꙋйсѧ, серде́чнꙋю мл҃твꙋ пла́менныѧ вѣ́ры ста́рца а҆́велѧ прїѧ́вшаѧ: ра́дꙋйсѧ, неꙋдо́бь и҆сполни́мое дѣ́ло во сп҃се́нїе мно́гихъ чꙋде́снѡ ᲂу҆стро́ившаѧ.

Ра́дꙋйсѧ, бл҃года́тнаѧ, чꙋ́днымъ зна́менїемъ млⷭ҇ть бж҃їю ꙗ҆влѧ́ющаѧ.