Канѡ́нъ ст҃о́мꙋ сщ҃енномꙋ́ченикꙋ Зѡ́тїкꙋ Сиропита́телю

Свы́ше просвети́тися омраче́нней мое́й мы́сли, пе́ти тя́ досто́йно, Зо́тике, Христа́ умоли́.

Житие́м твои́м а́нгелом на земли́, богому́дре, ревну́я, показа́лся еси́ досто́йно, жите́йских красо́т гнуша́яся.

Прииди́те, стра́ннии, дне́сь, ра́достно гла́с вознесе́м во све́тлем се́м торжестве́, Зо́тика ублажа́юще.

Поста́вил еси́ до́м тво́й, я́коже Авраа́м ски́нию дне́сь, вся́ ни́щия прие́млющий и бога́тно пита́ющий.

Светоно́сное торжество́ сие́ преподо́бнаго ны́не просия́ Зо́тика, к Рождеству́ Христо́ву призыва́ющи вся́ на чрежде́ние.

Чудесы́ преле́потствовав, чудеса́ пресла́вная оста́вил еси́ на́м, честна́я твоя́ исправле́ния на земли́, преблаже́нне, о́браз боже́ствен.

Украше́ние доброде́тели показа́ся, чу́дне, честна́я твоя́ исправле́ния, Боже́ственный до́м, наги́х одея́ние.

Прокаже́ние, свяще́нне, исцеля́я, о́тче, воздви́гл еси́ враче́бницу тво́й до́м честны́й, в не́мже досто́йно вся́к неду́г врачу́ется.

Хра́м тя́, вси́ ве́рнии, Ду́ха ве́мы, хра́м бо всеблаголе́пен тво́й сотвори́л еси́ до́м, пресла́вне, в не́мже вся́к неду́г моли́твами твои́ми отгоня́ется.

Странноприя́тие на земли́, Авраа́му подо́бяся, поста́вил еси́, всеблагоче́стно безкро́вныя прие́мля, наги́я, и мимоходя́щия, и хромы́я, и стра́нныя, и ни́щия вводя́.

Все́м преподо́бным сочи́слился еси́ и лико́м боже́ственным безтеле́сным, Зо́тике преблаже́нне, с ни́миже и взыва́еши: благослове́н еси́, Го́споди Бо́же, во ве́ки.

Си́лою и благода́тию, богому́дре, бы́л еси́ вдо́в и немощны́х, сиро́т же оте́ц показа́лся еси́, зовы́й: благослове́н еси́, Го́споди Бо́же, во ве́ки.

Сия́, му́дре, победи́тельная, сия́ исправле́ния, и я́же убо́гих и же́н сле́зы, тво́й хра́м показа́ша небесе́ вы́шший, и ца́рствия тебе́ вхо́ды отверзо́ша. Ве́рою бо вопия́л еси́: о́троцы, благослови́те, свяще́нницы, воспо́йте Го́спода, лю́дие, превозноси́те во вся́ ве́ки.

Сна́ твои́м не да́л еси́ очесе́м, досточу́дне, ниже́ ве́ждам дрема́ния, богоприя́тне, до́ндеже де́ло боже́ственное, слове́сный ра́й Христо́в, до конца́ соверши́л еси́, поя́: о́троцы, благослови́те, свяще́нницы, воспо́йте Го́спода и превозноси́те во вся́ ве́ки.

Благода́ть тебе́, о́тче, от Бо́га даде́ся лечи́ти неду́ги, ни́щия, и сухи́я, и хромы́я; я́же я́ко люби́мичи Христо́вы ве́рно прие́мля, с си́ми ра́дуешися при́сно, в не́дрех Авраа́мовых водворя́яся.

Напита́л еси́, о́тче, оби́льно вся́каго стра́нна, и на́га, и мимоходя́ща; с патриа́рхи при́сно и с пра́ведными ны́не ра́дуешися све́тло иде́же бога́тство и сла́дость, иде́же присносу́щное спаса́емых упова́ние, иде́же все́м бога́тство е́сть Христо́с.

Свы́ше просвѣти́тисѧ ѡ҆мраче́ннѣй мое́й мы́сли, пѣ́ти тѧ̀ досто́йнѡ, зѡ́тїке, хрⷭ҇та̀ ᲂу҆молѝ.

Житїе́мъ твои́мъ а҆́гг҃лѡмъ на землѝ, бг҃омꙋ́дре, ревнꙋ́ѧ показа́лсѧ є҆сѝ, досто́йнѡ жите́йскихъ красо́тъ гнꙋша́ѧсѧ.

Прїиди́те стра́ннїи дне́сь, ра́достнѡ гла́съ вознесе́мъ во свѣ́тлѣмъ се́мъ торжествѣ̀, зѡ́тїка ᲂу҆блажа́юще.

Поста́вилъ є҆сѝ до́мъ тво́й, ꙗ҆́коже а҆враа́мъ ски́нїю дне́сь, всѧ̑ ни́щыѧ прїе́млющїй, и҆ бога́тнѡ пита́ющїй.

Свѣтоно́сное торжество̀ сїѐ прпⷣбнагѡ ны́нѣ просїѧ̀ зѡ́тїка, къ ржⷭ҇твꙋ̀ хрⷭ҇то́вꙋ призыва́ющи всѧ̑ на чрежде́нїе.

Чꙋдесы̀ прелѣ́потствовавъ, чꙋдеса̀ пресла̑внаѧ ѡ҆ста́вилъ є҆сѝ на́мъ, честна̑ѧ твоѧ̑ и҆справлє́нїѧ на землѝ, пребл҃же́нне, ѻ҆́бразъ бжⷭ҇твенъ.

Оу҆краше́нїе добродѣ́тели показа́сѧ, чꙋ́дне, честна̑ѧ твоѧ̑ и҆справлє́нїѧ, бжⷭ҇твенный до́мъ, наги́хъ ѡ҆дѣѧ́нїе.

Прокаже́нїе, свѧще́нне, и҆сцѣлѧ́ѧ, ѻ҆́ч҃е, воздви́глъ є҆сѝ враче́бницꙋ тво́й до́мъ честны́й, въ не́мже досто́йнѡ всѧ́къ недꙋ́гъ врачꙋ́етсѧ.

Хра́мъ тѧ̀ всѝ вѣ́рнїи дх҃а вѣ́мы, хра́мъ бо всеблаголѣ́пенъ тво́й сотвори́лъ є҆сѝ до́мъ, пресла́вне, въ не́мже всѧ́къ недꙋ́гъ моли́твами твои́ми ѿгонѧ́етсѧ.

Страннопрїѧ́тїе на землѝ, а҆враа́мꙋ подо́бѧсѧ поста́вилъ є҆сѝ, всеблагоче́стнѡ безкрѡ́вныѧ прїе́млѧ, нагі̑ѧ, и҆ мимоходѧ́щыѧ, и҆ хрѡмы́ѧ, и҆ стра̑нныѧ, и҆ ни́щыѧ вводѧ̀.

Всѣ̑мъ прпⷣбнымъ сочи́слилсѧ є҆сѝ, и҆ ликѡ́мъ бжⷭ҇твеннымъ безтѣлє́снымъ, зѡ́тїке пребл҃же́нне, съ ни́миже и҆ взыва́еши: бл҃гослове́нъ є҆сѝ, гдⷭ҇и бж҃е, во вѣ́ки.

Си́лою и҆ бл҃года́тїю, бг҃омꙋ́дре, бы́лъ є҆сѝ вдѡ́въ и҆ немощны́хъ, сиро́тъ же ѻ҆те́цъ показа́лсѧ є҆сѝ, зовы́й: бл҃гослове́нъ є҆сѝ, гдⷭ҇и бж҃е, во вѣ́ки.

Сїѧ̑, мꙋ́дре, побѣди́тєльнаѧ, сїѧ̑ и҆справлє́нїѧ, и҆ ꙗ҆̀же ᲂу҆бо́гихъ и҆ же́нъ сле́зы, тво́й хра́мъ показа́ша нб҃сѐ вы́шшїй, и҆ црⷭ҇твїѧ тебѣ̀ вхо́ды ѿверзо́ша. вѣ́рою бо вопїѧ́лъ є҆сѝ: ѻ҆́троцы, благослови́те, свѧще́нницы, воспо́йте гдⷭ҇а, лю́дїе, превозноси́те во всѧ̑ вѣ́ки.

Сна̀ твои̑мъ не да́лъ є҆сѝ ѻ҆чесє́мъ, досточꙋ́дне, нижѐ вѣ́ждамъ дрема́нїѧ, бг҃опрїѧ́тне, до́ндеже дѣ́ло бжⷭ҇твенное слове́сный ра́й хрⷭ҇то́въ до конца̀ соверши́лъ є҆сѝ, поѧ̀: ѻ҆́троцы, благослови́те, свѧще́нницы, воспо́йте гдⷭ҇а, и҆ превозноси́те во всѧ̑ вѣ́ки.

Бл҃года́ть тебѣ̀, ѻ҆́ч҃е, ѿ бг҃а даде́сѧ лѣчи́ти недꙋ́ги, ни́щыѧ и҆ сꙋхі̑ѧ и҆ хрѡмы́ѧ: ꙗ҆̀же ꙗ҆́кѡ люби́мичи хрⷭ҇то́вы вѣ́рнѡ прїе́млѧ, съ си́ми ра́дꙋешисѧ при́снѡ, въ нѣ́дрѣхъ а҆враа́мовыхъ водворѧ́ѧсѧ.

Напита́лъ є҆сѝ, ѻ҆́ч҃е, ѻ҆би́льнѡ всѧ́каго стра́нна и҆ на́га, и҆ мимоходѧ́ща, съ патрїа̑рхи при́снѡ и҆ съ пра́ведными ны́нѣ ра́дꙋешисѧ свѣ́тлѡ: и҆дѣ́же бога́тство и҆ сла́дость, и҆дѣ́же присносꙋ́щное спаса́емыхъ ᲂу҆пова́нїе, и҆дѣ́же всѣ̑мъ бога́тство є҆́сть хрⷭ҇то́съ.